ചില  പ്രണയങ്ങൾ 

കുന്നുകൾക്കും മലകൾക്കും എന്നും
കടലിനോട് പ്രണയമായിരുന്നു

അവളുടെ ഉപ്പുകലർന്ന കണ്ണുനീർ
അവനെ കയ്പ്പിലാഴ്ത്തി

മേഘങ്ങൾ  എന്നും അവരുടെ
ആത്മമിത്രങ്ങൾ ആയിരുന്നു

അവന്റെ നിശ്വാസത്തെ അവർ
അവളിലേക്കെത്തിച്ചു

ആ നിശ്വാസങ്ങളുടെ ഭാരം
അവരെ കരയിച്ചു

ആ   മഴത്തുള്ളികൾ  അവളെ
മതിവരുവോളം ആശ്ലേഷിച്ചു

ആ നിശ്വാസ കണികകൾ  വീണ്ടും
അവളിലൂടെ അവനെത്തേടി

ചില പ്രണയങ്ങൾ അങ്ങനെയാണ്
ഒരിക്കലും ഒരുമിക്കാൻ കഴിയാത്തവ